Aðalfundur Björgunarfélags Ísafjarðar verður haldinn í Guðmunarbúð kl 20:oo í kvöld mánudag á dagskránni eru venjuleg aðalfundarstörf. Hvetjum sem flesta til að mæta

Kveðja

Stjórnin

Þá er helgin á enda og menn þreyttir eftir lærdómsríka helgi í námskeiði og æfingu

Flugslysaæfing var haldin á Þingeyri í gær laugardag og fór hópur frá okkur á æfinguna og allt fór vel fram en æfingar sem þessar eru reglulega haldnar á áætlunarflugvöllum til að þjálfa viðbragðsaðila upp í að takast á við áföll sem upp geta komið við flugslys, vélin átti að hafa verið erlend og hafa brotlent við brautarenda 32 en þar var sjúklingum komið fyrir og voru krakkar frá unglingadeildinni í hlutverki sjúklinga ásamt fleirum og voru allir helstu viðbragðsaðilar þáttakendur í æfinguni

Fjallabjörgunarnámskeið var haldið í Guðmundarbúð um helgina og voru 6 félagar frá okkur  þeir  Sigurður Freyr, Brynjar Örn, Teitur, Daníel Freyr Þröstur og Hermann Grétar  ásamt Tindamönnum og að auki var ein  úr Björgunarsveitinni Heimamönnum á Reykhólum hún Hrefna. Farið var yfir dobblanir á föstudagskvöldinu svo á laugardeginum voru nokkrar verklegar æfingar teknar meðal annars var farið út í Arnarneshamar og teknar æfingar þar og æft að tryggja og dobbla. Áfram var æft á sunnudeginum og þá var farið með börur niður fjallshlíð og dobblað upp og allt tryggt eins og æft var daginn áður. Nú stendur til að stofna fjallabjörgunarhóp Björgunarfélags Ísafjarðar og Tinda og mun sá hópur æfa saman og eflaust starfa saman í Útköllum en þessar tvær sveitir eru oftar en ekki kallaðar saman út og þá er nauðsynlegt að vera búinn að vinna saman og geta unnið saman þegar á reynir og samnýtt mannskapinn.

Takk fyrir helgina.

Minnum svo á aðalfundinn 14.maí kl 20:00 í Guðmundarbúð-þeir sem áhuga hafa á því að starfa með okkur eru velkomnir á aðalfundinn !

Björgunarfélag Ísafjarðar fékk úthlutað úr styrktarsjóði Isavia hjá Landsbjörgu nú á dögunum og var sú upphæð dágóð og var styrkurinn veittur á þeim grundvelli að hann færi í kaup á fyrsta flokks sjúkrabúnaði fyrir félagið en með styrkveitingu sem þessari  er aðalega hugsað um hlutverk björgunarsveita í viðbúnaðaráætlunum áætlunarflugvalla.

Við þökkum Isavia fyrir stuðninginn.

Aðalfundur Björgunarféalgs Ísafjarðar verður haldinn í Guðmundarbúð mánudaginn 14 maí 2012 kl 20.00
Venjuleg aðalfundarstörf
Kv stjórnin
Ps því miður gátum við ekki boðað til aðalfundar fyrr að tæknilegum ástæðum

Jæja ágætu félagar næstu helgi (4-6 maí nk)  er stefnt að því að fara í vorferð  á sleðum frá breiðadalsheiði og inn í mjóafjörð þar sem gist verður í fjallakofanum í námunda við fremra selvatn. Brottför er frá Ísafirði um kl 18:00 á föstudag og er gert ráð fyrir að menn verði búnir að gera sig klára á fimmtudagskvöldinu þeas þeir sem ætla á sleðum.  Ein sameiginleg máltíð verður á Laugardagskvöldinu og þeir félagar sem vilja fara á skíði með í ferðina er velkomið að koma með bílnum inneftir á föstudaginn eða á laugardagskvöldinu.  Þeim sleðamönnum sem ætla með er bent á að það fer enginn í ferðina nema með skóflu ýli og stöng það er þessi heilaga þrenning okkar ef ykkur vantar eitthvað af þessu þá getiði talað við Sigrúnu s:896-2883 og hún útvegað ykkur þessum búnaði !!

Áætluð heimkoma er um kvöldmatarleytið á sunnudeginum.  Skráningu lýkur á miðnætti á miðvikudagskvöld en frekari upplýsingar fást hjá Davíð í síma  846-0237 auk þess sem hann tekur niður skráningu.

Hér að neðan er helsti búnaður sem hver þarf að taka með sér 

Handklæði

Bakpoki 

Tvígengisolía

Skófla 

Ullarsokkar

Ýlir 

Föðurland

Snjóflóðastöng

Svefnpoki 

Hjálm 

Bensín

Útigalla 

Góðir skór

Húfu og vettlinga

Terfill/buff

Veski 

Allur matur yfir helgina (nema sameiginleg máltíð á laugardagskvöldinu)

Sundföt

Inniskór

Höfuðljós

Hringsplæsið 

Drensigtið

Tannbusta, tannkrem og aðrar snyrtivörur 

Mánudagskvöldið 2.apríl verður fundur í Guðmundarbúð og hefst hann kl 20:00 og farið verður í Tetra upprifjun ásamt því að farið verður yfir bátarýmið, hvetjum alla til að mæta og sérstaklega nýja félaga

Við í Björgunarfélagi Ísafjarðar verðum með skíðagæslu um helgina í Tungudal en Þar fer fram Unglingameistaramót Íslands. Mannaðir verða tveir vélsleðar sem munu sjá um eftirlit á svæðinu um helgina. Við óskum keppendum og aðstandendum mótsins góðs gengis  um helgina.